Նոր տարբերակի թողարկում՝ CMS Drupal-ի, առաջատար կազմակերպությունների աջակցությամբ ամբողջ աշխարհում։

Պորտլենդ, ԱՄՆ և ամբողջ աշխարհում, 2020թ. հունիսի 3 — Թողարկվել է Drupal-ի նոր տարբերակը՝ աշխարհի ամենահզոր բաց կոդով կորպորատիվ բովանդակության կառավարման համակարգը։ Սա մինչ օրս ամենալայնածավալ թարմացումն է Drupal-ի համար։

Drupal 9-ը տրամադրում է գործիքներ մարկետոլոգներին, դիզայներներին և ծրագրավորողներին՝ բարձր արդյունավետությամբ համակարգեր ստեղծելու համար՝ նախագծումից մինչև գործարկում։

Drupal 9-ը ներառում է ավելի շատ ժամանակակից հնարավորություններ, որոնք սիրված են Drupal-ի օգտատերերի և մշակողների կողմից։ Աշխարհի ամեն 30 կայքից մեկը, այդ թվում՝ Lufthansa, CDC National Prevention Information Network, Եվրոպական հանձնաժողովը, «Բժիշկներ առանց սահմանների», NASA, GRAMMYs/Recording Academy և Ստենֆորդի համալսարանը վստահում են Drupal-ին՝ որպես հարթակ իրենց հավակնոտ նպատակների համար։

Drupal 9 — Հատուկ ուշադրություն նորագույն տեխնոլոգիաներին և դիզայնի կատարելագործմանը

Թարմացված տարբերակը ավելացնում է հզոր ֆունկցիոնալ և բարելավված ինտերֆեյս։ Այս ֆունկցիաները համապատասխանում են Drupal-ի տեսլականին՝ հաջորդ սերնդի վեբի համար՝ ներառելով՝

• Անհամեմատելիորեն պարզ գործիքներ — նոր դասավորության կառուցող, վիզուալ խմբագիր՝ պատկերի և վիդեոյի կառավարմամբ, ինչպես նաև բովանդակության աշխատանքային հոսքի գործիքներ, որոնք զգալիորեն հեշտացնում են աշխատանքը՝ պահպանելով տեխնիկական հզորությունը։
• Շարունակական կատարելագործում — նոր հնարավորությունները ավելացվում են մշտապես՝ պահպանելով Drupal-ը որպես առաջատար տեխնոլոգիական հարթակ։
• Տասնամյակի ամենապարզ թարմացումը — այլևս կարիք չկա ամբողջ կայքը վերաշարադրել նոր տարբերակ թարմացնելու համար։

«Drupal-ի հաջողության հիմնական պատճառներից մեկն այն է, որ մենք միշտ կատարել ենք հեռանկարային և խորը փոփոխություններ», — ասում է Դրիս Բյույթարտը՝ Drupal-ի հիմնադիրն ու նախագիծի ղեկավարողը։ «Արդյունքում՝ Drupal-ը համարվում է CMS հարթակներից այն եզակիներից մեկը, որը 20 տարի շարունակ արդիական է մնում»։

Drupal-ի օգտատերերից մեկը նշում է, որ իրենք ապավինում են Drupal-ի հարմար ինտերֆեյսին՝ առանց ծրագրավորողների մասնակցության բովանդակությունն արդի պահելու համար։

ACLU-ն օգտագործում է Drupal-ը և գրում է․ «Drupal-ի նոր հնարավորությունները՝ մեդիայի ամբողջական աջակցությամբ և դասավորության լիարժեք կառավարման հնարավորությամբ՝ առանց ծրագրավորողների, ACLU-ին դարձրել են առավել ճկուն և արձագանքող արտաքին իրադարձություններին»։

Թեև նոր տարբերակն ավելի հասանելի է ոչ ծրագրավորողների համար, այն միաժամանակ պահպանում և զարգացնում է իր առաջատար տեխնոլոգիական կարողությունները՝ թույլ տալով կառուցել վեբ հավելվածներ ապագայի համար։

«Drupal-ի API first ճարտարապետությունը այն առաջ է բերում մյուս decoupled և headless հարթակներից», — նշում է Թիմ Լայնենը՝ Drupal Association-ի CTO-ն։ «Drupal-ը կարող է ծառայել որպես բովանդակության պահոց՝ բոլոր տեսակի հաճախորդների համար՝ լինի դա React, Angular, Vue կամ AR/VR հավելված»։

Բյույտարտը նշում է, որ ամենակարևոր նպատակն էր ապահովել հնարավորինս պարզ թարմացման գործընթաց։

«Drupal-ի նորարարությունը զգալիորեն արագացել է Drupal 8-ի թողարկումից ի վեր», — ասում է նա։ «Պատմականորեն՝ հիմնական տարբերակ թարմացնելը դժվար ու թանկ էր։ Drupal 9-ի դեպքում մենք ցանկացանք արագ կատարել փոփոխություններ և ստեղծել հեշտ թարմացման ուղի՝ Drupal 8-ից։ Եվ մենք դա արեցինք։ Սա վերջին 10+ տարիների ընթացքում ամենապարզ հիմնական թարմացումն է»։

Ամբողջ աշխարհի համայնքի աջակցությամբ

Drupal-ը բաց կոդով նախագիծ է՝ ստեղծված տասնյակ հազարավոր մշակողների կողմից ամբողջ աշխարհում։ Drupal-ը վաստակել է վստահություն՝ անվտանգության, արտադրողականության, մատչելիության և մասշտաբայնության շնորհիվ։ Նրա ամենամեծ առավելություններից մեկը՝ կառուցվածքային տվյալների արդյունավետ կառավարումն է։ Drupal-ի համայնքը կրկնապատկվել է 9-րդ տարբերակի թողարկման ժամանակ։

Ինչպես սկսել թարմացումը

Եթե ցանկանում եք ծանոթանալ Drupal-ին կամ իմանալ՝ ինչպես ավելացնել ձեր աշխատանքները պորտֆոլիոյում, այցելեք drupal.org/9։

Օգնություն է պետք Drupal օգտագործելիս կամ նախագիծ սկսելիս՞։ Տես Drupal համայնքի գործընկեր կազմակերպությունները, որոնք պատրաստ են աջակցել։

Drupal-ի և Drupal Association-ի մասին

Drupal-ը բաց կոդով բովանդակության կառավարման համակարգ է, որն օգտագործվում է միլիոնավոր մարդկանց և կազմակերպությունների կողմից ամբողջ աշխարհում։ Համայնքը ներառում է ավելի քան 100,000 մասնակից և 1.3 միլիոն օգտատեր՝ Drupal.org-ում։

Drupal Association-ը շահույթ չհետապնդող կազմակերպություն է, որը նպաստում է Drupal ծրագրաշարի զարգացմանը, համայնքի ընդլայնմանն ու պահպանմանը։